ភ្នំពេញ៖ លោក ឥន សុផល អ្នកស្រាវជ្រាវភូមិសាស្រ្តនយោបាយ បានចេញនូវអត្ថបទមួយ ស្ដីពីការ ឈ្វេងយល់ពីនយោបាយការបរទេសកម្ពុជា!

ក្នុងនោះលោកបានរៀបរាប់ថា៖
១.ឆ្លងកាត់បទពិសោធពីអតីតកាល ការសម្រេចចិត្តលើគោលនយោបាយការបរទេសកម្ពុជា កាន់តែច្បាស់ និងឈ្លាសវៃហើយ គឺឈរលើផលប្រយោជន៍ជាតិជាធំ!
២.កម្ពុជាសម្រេចចិត្តថ្កោលទោស រុស្ស៊ីជាមួយសហគមន៍អន្តរជាតិ ជាពិសេសសហរដ្ឋអាមេរិក និងសហភាពអឺរ៉ុប ពុំមែនជាការគាបសង្កត់ខាងនយោបាយនោះទេ តែកម្ពុជាមើលឃើញផលប្រយោជន៍ជាតិជាធំ!
៣.ទីផ្សារផលិតផលរបស់កម្ពុជាពុំមែនរុស្ស៊ី ឬចិនោះទេ គឺមានតែទីផ្សារសហរដ្ឋអាមេរិក និងសហភាពអឺរ៉ុបប៉ុណ្ណោះ ដែលអាចជំរុញសេដ្ឋកិច្ចកម្ពុជាឱ្យរីកចម្រើនបាន។
៤.ការដែលសហភាពអឺរ៉ុប ដកមុខផលិតផលរបស់កម្ពុជាចេញពី EBA គឺដកផលិតផលភាគច្រើនដែលកម្ពុជាពុំមានតែប៉ុណ្ណោះ ចំពោះផលិតផលសំខាន់ៗរបស់កម្ពុជានៅតែអាចនាំចូលទីផ្សារអឺរ៉ុបដដែល។
៥.ជាក់ស្តែងអង់គ្លេស ថ្វីដ្បិតតែចេញពីសហភាពអឺរ៉ុបហើយក្តី ប៉ុន្តែអង់គ្លេស នៅតែផ្តល់ GSP សម្រាប់ផលិតផលគ្រប់មុខរបស់កម្ពុជា(លើកលែងសព្វាវុធ) អាចនាំចូលទីផ្សារអង់គ្លេសដោយពុំបាច់បង់ពន្ធ។ បច្ចុប្បន្នផលិតផលម៉ាកល្បីៗផលិតនៅកម្ពុជា មានលក់ពេញទីផ្សារអង់គ្លេស។
៦.កម្ពុជាត្រូវការជំនួយគាំទ្ររបស់ចិន ប៉ុន្តែកម្ពុជាក៏មិនអាចអត់មានទីផ្សារសហរដ្ឋអាមេរិក និងសហភាពអឺរ៉ុបបានដែរ។
៧.សម្តេចសុំការយោគយល់ពីមិត្តរុស្ស៊ី នេះគឺជាកាយវិការការទូតដ៏ទន់ភ្លន់របស់កម្ពុជា ចំពោះមិត្តក្នុងគ្រាក្រ ហើយកម្ពុជាក៏នៅជំពាក់បំណុលរុស្ស៊ីច្រើនដែរ។