សហរដ្ឋអាម៉េរិក រកឃើញអ្នកឆ្លងថ្មីជាង ៨ម៉ឺននាក់ និងជាង ១ពាន់នាក់ទៀតស្លាប់

(អន្តរជាតិ)៖ យោងតាមតួលេខស្តីពីចំនួនអ្នកឆ្លង និងស្លាប់ដោយសារវីរុសកូវីដ១៩ ចេញពីគេហទំព័រអន្តរជាតិ Worldometer បានបង្ហាញថា នាព្រឹកថ្ងៃទី៨ ខែកុម្ភៈ ឆ្នាំ២០២១នេះ ចំនួនអ្នកឆ្លងជំងឺកូវីដ-១៩ នៅសហរដ្ឋអាម៉េរិក បានកើនដល់ ២៧,៦០៥,២៣៦នាក់ ក្នុងនោះអ្នកជំងឺជាង ១៧លាននាក់ បានជាសះស្បើយ និងជាង ៤៧ម៉ឺននាក់បានស្លាប់ ខណៈដែលព្រឹកនេះសហរ្ឋអាម៉េរិក បានរកឃើញករណីឆ្លងថ្មីសរុប ៨៤,៧០៤នាក់ និងអ្នកជំងឺសរុប ១,៣៩៦នាក់ បានស្លាប់។

ដោយឡែក គិតត្រឹមម៉ោង ៦ និង៣០នាទីព្រឹក ថ្ងៃទី៨ ខែកុម្ភៈ ឆ្នាំ២០២១នេះ ចំនួនឆ្លងជំងឺ កូវីដ១៩ នៅទូទាំងពិភពលោក បានកើនឡើងដល់ ១០៦,៦៦១,៦៧៥ករណី ហើយក្នុងនោះមនុស្សជាង ២.៣លាននាក់ស្លាប់ និងជាង ៧៨លាននាក់ទៀត បានជាសះស្បើយឡើងវិញ។

គួរបញ្ជាក់ផងដែរថា តាមតួលេខខាងលើ បានបង្ហាញថា សហរដ្ឋអាម៉េរិច នៅតែឈនៅលេខរៀងទីមួយក្នុងពិភពលោក ដែលមានចំនួនអ្នកឆ្លង និងស្លាប់ដោយសារវីរុសកូវីដ-១៩ ច្រើនជាងគេ។

នាព្រឹកនេះផងដែរ ពិភពលោកទាំងមូល បានរកឃើញអ្នកឆ្លងកូវីដ១៩ថ្មីជាង ៣៣ម៉ឺននាក់ និងជាង ៧ពាន់នាក់ទៀត បានស្លាប់៕