ស្រ្តីខ្មែរម្នាក់ស្ថិតនៅក្នុងចំណោមមនុស្ស ១៥ នាក់ ដែលឆ្លងវិរុសកូវិដ ១៩។
ស្រ្តីខ្មែរម្នាក់ស្ថិតនៅក្នុងចំណោមមនុស្ស ១៥ នាក់ ដែលឆ្លងវិរុសកូវិដ ១៩។ នេះបើតាមរបាយការណ៍របស់ក្រសួងសុខាភិបាលដែលចេញផ្សាយមុននេះបន្តិច។
ស្រ្តីខ្មែរនោះមានវ័យ ២២ ឆ្នាំ រស់នៅរាជធានីភ្នំពេញ។ យោងតាមក្រសួងសុខាភិបាល ក៏រកឃើញជនជាតិចិន ១៣ នាក់ទៀត បានតេស្តមានវិរុសកូវីដ ១៩ ពាក់ព័ន្ធព្រឹត្តិការណ៍ ២០ កុម្ភៈ។
ក្រសួងសុខាភិបាលបន្តថា ក្នុងចំណោមអ្នកឆ្លងក្នុងសហគមន៍ទាំង១៤នាក់ មានជនជាតិចិនចំនួន ១៣នាក់ និងជនជាតិខ្មែរម្នាក់។ ចំណែកឯអ្នកដែលធ្វើដំណើរមកពីក្រៅប្រទេសម្នាក់ ដែលឆ្លងកូវី១៩ គឺជាជនជាតិឥណ្ឌូនេស៊ី ធ្វើដំណើរមកពីប្រទេសឥណ្ឌូនេស៊ី មកដល់កម្ពុជានៅថ្ងៃទី២៦ ខែកុម្ភៈ ឆ្នាំ២០២១។
សូមជម្រាបថា គិតត្រឹមថ្ងៃទី០១ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន៨២០នាក់ ក្នុងនោះអ្នកជាសះស្បើយមានចំនួន ៤៧៧នាក់ និងអ្នកជំងឺចំនួន ៣៤៣នាក់កំពុងទទួលការព្យាបាល៕
